"الحكومة زودت المرتبات بنسبة 100% والناس مش عندها دم وبتنكر الجميل"
اللى يفهم مبادئ اقتصاد صح يعرف ان الزيادة الحقيقية هى المهمة مش الزيادة النقدية يعنى اللى يفرق هو قوة الفلوس الشرائية مش كمية الفلوس
"ابو تسريحة جنان بقى من كبار رجال الدولة وشكله كدة مدير تسويق الحملة الانتخابية للرئيس القادم"
احنا لو لينا رأى وصوت زى الدول كلها كنا قلنا ان الحملة دى لازم ها تفشل لأن برده من مبادئ التسويق ان مدير الحملة الانتخابية للتسويق لشخص يكون محبوب او مقنع او مثقف او عنده اى فن من فنون التواصل مع الاخرين مش واحد مكروه وسمعته معروفة عند كل مصرى وغير مقنع ولا ليه اى علاقة بالثقافة ولا عارف يتكلم كلمة من راجل المفترض انه سياسى درجة اولى.
"الوطنى راضٍ عنكما وأنتم عملتوا شغل جامد جامد جامد"
ابو تسريحة جنان وهو بيحيى وزيرين من الوزراء وكأنه قاعد فى فرح فى الشارع.
"مليون مصرى اشتروا سيارات جديدة، و250 ألف مصرى اشتروا سيارات جديدة فى عام 2008 و250 ألف أسرة اشترت وحدات اقتصادية ومعدلات الالتحاق بالجامعات المصرية زادت، ووفرنا 3 ملايين فرصة عمل.. كل ده وبيقولوا الناس مش حاسة بالنمو"
لا يا راجل !!!
"يوافق جميع نواب الإخوان على أى من مشرعات القوانين فيجب أن يوصفوا بالأوتوماتيكية وليس الأغلبية ورد على ابو تسريحة جنان أحد الأعضاء "إيه الحلاوة دى.. إحنا معاك للصبح"
فرح الحزب الوطنى الديمقراطى البلدى وشعاره "عشانك انت يا جميل"
مـ الاخر بدون لف ولادوران انت سمعت الكلام دا هل حسيت انكجاهل ومش فاهمه ومصدقه ولا حسيت انك بتاخد على قفاك ومستحمل وخلاص ؟!
وعلى فكرة مفيش اختيار تالت عشان ما نضحكش على نفسنا
شعار مؤتمر الحزب الاصلى "من أجلك انت"
بس احنا بنقترح الشعار دا "عشانك انت يا جميل"
المشاركات
ليست هناك تعليقات:
إرسال تعليق