لو عندك حل لقضية فلسطين ... تخيل نفسك قائد عربى ورد على كلامى !!!

السلام عليكم ...
ايه اخبارك ؟؟ يارب تكون بخير
ندخل فى الموضوع ...
طبعاً انت متابع اخبار اخواننا الفلسطينيين فى غزة واللى بيحصلهم دلوقتى ومتابع ردود الأفعال العربية والاسلامية والدولية والاقليمية وردود أفعال الدول المؤثرة فى المنطقة والدول القوية والدول الناشئة ودول الخليج والدول الكبرى وما الى ذلك ...
بما انك متابع كل ده أكيد ليك رأى فى اللى بيحصل فى غزة ومايرتبط به من ردود الأفعال من قادة الدول والمنظمات والهيئات الدولية ... صح ؟؟
.
..
...
....
تخيل معايا كدة انك قائد دولة عربية أياً كانت سواء مصر أو غيرها ...
تقدر تقولى دلوقتى هاتعمل ايه للفلسطينيين ولغزة وللقضية الفلسطينية ؟؟
هاتقدر تعمل ايه عشان الناس اللى بتموت كل يوم وبأعداد كبيرة جداً وكأنها ليست أرواح ليس لها أى ذنب فى أى شئ غير انها فلسطينية !!
تقدر تجاوبنى على الاسئلة دى ؟؟
انا بتكلم عليك لو انت شايف ان الدول العربية مقصرة وعندك حل يقدروا يخلصوا غزة من اللى هيا فيه دلوقتى ...
كل ده طبعاً فى ضوء نفس معطيات السياسة الخارجية والداخلية لكل الدول العربية الموجودة حالياً يعنى مفيش تخيل فى وضع كل دولة بالنسبة للمنطقة وقوتها او ضعفها ...
انا مش مع الدول العربية فى سكوتها
ولا مع الدول العربية انها تحارب
انما مع اى حل عقلانى اقدر انفذه كقائد دولة عربية !!!
قول الحلول اللى انت هاتعملها كقائد دولة عربية مؤثرة وبالتفصيل مش كلام وبس !!!
عشان لو فيه حل عقلانى مؤثر نقدر ساعتها نقول ان حكوماتنا مقصرة ونعمل مظاهرات على حق مش مظاهرات ليها اهداف تانية !!!!
وأخيراً ندعو الله ان يلهم أهل غزة الصبر والقوة والعزيمة على النصر ان شاء الله...