دا تخريف !!!
تخيل سخيف !!!
حالة علمية يمكن ليس لها علاقة بالعلم اساساً بس من تأليفى !!!
مـ الاخر عشان اللى دماغه بتوجعه ومش عايز يقرا اول سلسلة الأى كلام بتاعتى ومش ها يعرف يستحمل اللى هقوله مايكملش قراية احسن ولا حتى يحاول يفهم الصورة "العبيطة" اللى انا راسمها ...
بالنسبة للى هايكمل معايا :
بص يا سيدى الموضوع كله كدة جه فى بالى وانا فى الـ "alpha state" عقبالك كدة ... الله يمسيكى بالخير يا استاذتى الجميلة نهال يا صلاح ...
لكل شخصية فى كل بنى ادم فينا نقاط قوة ونقاط ضعف وعلينا اننا نقوى نقاط الضعف ونحافظ ونقوى اكتر نقاط القوة ونظهرها اكتر وشطارة البنى ادم كمان انه يعرف نقاط القوة والضعف دى كويس اوى وانا بقى تخيلت الموضوع ده وعبرت عنه ببساطه ان الشخصية زى ما ليها نقاط "الهجوم" اللى بتصنع بيه العابها وتظهر نجاح البنى ادم قدام كل الناس وتخليه دايماً "كسبان" وبيدخل اجوان زى ما ليها نقاط "دفاع" اللى بتحافظ على البنى ادم من ظهره فى الحاجات اللى هو مش شايفها لأنه مستحيل يشوف كل حاجة فى الدنيا وعلى رأى الكتاب "عشان ماتضربش على قفاك" ...
انا بقى تخيلت نقط الدفاع دى ورسمتها فى رسمة بسيطة اوى ويمكن تكون ساذجة شوية بس اهم حاجة انى رسمتها وخلاص واقتنعت بيها كمان ...
شرح الرسم :
الانسان عايش فى وسط دايرة كبيرة جدا من كل الناس اللى حواليه ودى مش مركز عليها قد منا مركز على الدايرة "الاهم" اللى هما "اقرب الناس ، الشخص اللى بتحبه ، العيلة" ودول اللى الواحد يعتبر مديهم ضهره دايماً عشان مش مخون من ناحيتهم خااااااااالص وهما اكتر ناس ممكن يسعدوه وفى نفس الوقت يضايقوه لأنهم ببساطة "الاهم" بالنسبة ليه ...انما باقى الاشخاص الواحد بيتعامل معاهم كويس وبكل حسن نية لكل بحرص زيادة شوية اكتر من الاقرب ليه...
هل تخيلى ورسمى دا صح ولا الدايرة لازم تزيد ولا تنقص ولا ايه ؟؟
وانا عارف ان كتير هايتكلم على موضوع الشخص اللى بتحبه وهايبقى فيه جدال كبير بس ماشى ياريييييييييييت انا عايز اعرف كل رأى من الاراء العبقرية اللى بتطلع من الناس وهما مش واخدين بالهم
اشكرك لأنك استحملتنى لكن اعتقد انك هاتموت وتنزل الماوس وتكتب تعليق دلوقتى وترد على كلامى ...
المشاركات
ليست هناك تعليقات:
إرسال تعليق