مع كامل احترامى للأغنية التاريخية العظيمة وكمان مع تأييدى الكامل للفنان العبقرى محمد صبحى فى اعتراضه على مقولة "متقولش ايه اديتنا مصر".
طول عمرى من ونا صغير واسمع ناس تير ومنهم اهلى بيرددوا نفس الفكرة وهما بيتناقشوا عن مصر وتلاقيهم بيقولوا " لأ..مش لازم نفكر مصر اديتنا ايه ولا عملت لنا ايه مش لازم عشان مصر دى امنا ومفيش حد بيفكر الحاجة مامته اديتله ايه !!" ويرددوا الجملة الشهيرة "متقولش ايه اديتنا مصر" !!!
بصراحة اتربيت على الجملة الجميلة دى لكن ساعتها ماكنتش بحاول افكر فيها لأنها اتكتبت عليا وحفظتها زى ما هى كدة وانتوا عارفين مفيش حاجة اسمها ان حد يفهمك شعر فى المدرسة "خد يابنى احفظ دى واحفظ معانى كلماتها وشكراً" بس لما كبرت شوية وحسيت انى عبيط ومش بحاول افهم حاجات كدة اتكتبت عليا مع انى مش عارف هى صح ولا غلط وفكرت للأسف...
هو احنا ليه مش بنفكر مصر اديتنا ايه ؟؟
سيبك بقى من مصر هى امى والحضن الحنين ومفيش حد بيفكر مامته اديتله ايه والنيل كان بيسهر الليالى عشان انا اكبر وابقى عاطل زى الفل قد الدنيا كلها لأنه ببساطة فيه ناس كتير ليها امهات لكنها مثلاً مسجونة ولا مطلقة ولا حتى امهات غير صالحة وموجودين كتير يعنى الولاد عمرهم ما خدوا حاجة من امهاتهم يبقى هاتقنعنى بقى ان الولاد ها يحبوا امهاتهم كدة لله ؟؟ عشان يعنى امهاتهم ؟؟
هو ده اللى احنا محتاجين نفكر فيه لأننا لو فضلنا طول عمرنا بنقنع نفسنا ان مصر بتدينا كل حاجة واحنا مش بنديها اى حاجة ومينفعش نفكر فى السؤال المحرم علينا ده وعيب ياولد تقول كدة على مصر ودى ماما حبيبتك يبقى عمرنا ما هانحب مصر من جوانا وهانفضل نضحك على نفسنا ونفاجأ بالشباب بيهاجر ويسيب البلد ويقتل وينتحر ويسرق لأنه ببساطة اتجرأ وسأل السؤال ده وفكر فيه وكانت اجابته " مصر اديتنا على قفانا "...
كلامى ده مش معناه ان مصر مديتناش اى حاجة خالص لكن طول ماحنا معتمدين على ان مصر بتدينا كل حاجة واحنا مش ولاد اصول ومش بنديها حاجة لا عمرنا احنا هانوصل للى احنا عايزينه ولا مصر هاتتقدم ولا ياسلام على بعض المسئولين اللى معتمدين على الجملة دى وبيستغلوها انهم يقولوا للناس ادوا لمصر كل حاجة بس ما تستنوش منها حاجة !!!
ياسلام ؟؟ ياسيدى احنا بنى ادمين ولازم نفكر بعقلنا ونفهم كل حاجة قبل ما نعملها وايه اللى لينا وايه اللى علينا مش نفكر ايه اللى علينا وحرام نفكر ايه اللى لينا !! ليه عايشين فى بلد خيرى !!
الانسان الطبيعى بيفكر كدة واحنا عايزين نبقى ناس طبيعيين مش عايزين اكتر من كدة.
وتلاقينا دايماً نقول ونفتخر اوى اننا مش بنفكر مصر بتدينا ايه لكن من جوانا مش بنبطل تفكير لحد ما الاحساس ده يموت ونفقد الامل ويبقى ده العادى وعلى فكرة لو انت من اللى حاسين ان مصر مديتهمش حاجة اول ما هاتجيلك الفرصة ها تجرى يامعلم وتسيب البلد...ليه ؟ عشان احنا مش ملايكة وعايزين احسن حياة ونعيش عيشة كويسة وكريمة ...
احنا بنى ادمين وبنفكر بالعقل يعنى اليوم اللى الناس كلها هاتحس ان مصر مديتهمش اى حاجة عمر ما حد هايبقى على مصر لا تقولى بقى امه ولا اخته ولا حتى حبيبته .
عشان كدة لازم نصلح مصر بجد نخاف عليها بجد نطورها بجد ومن قلبنا ونعمل كل حاجة كويسة ليها عشان لما تدينا نبقى عليها ونستحملها مش نفضل طول عمرنا ندى مصر وهى ولا تدينا حاجة !!!
عفواً يا مصرى العزيزة انا لا أتجرأ ان اقول كلمة تمسك بأى شئ لكم الحدق يفهم العيب فين ...
طول عمرى من ونا صغير واسمع ناس تير ومنهم اهلى بيرددوا نفس الفكرة وهما بيتناقشوا عن مصر وتلاقيهم بيقولوا " لأ..مش لازم نفكر مصر اديتنا ايه ولا عملت لنا ايه مش لازم عشان مصر دى امنا ومفيش حد بيفكر الحاجة مامته اديتله ايه !!" ويرددوا الجملة الشهيرة "متقولش ايه اديتنا مصر" !!!
بصراحة اتربيت على الجملة الجميلة دى لكن ساعتها ماكنتش بحاول افكر فيها لأنها اتكتبت عليا وحفظتها زى ما هى كدة وانتوا عارفين مفيش حاجة اسمها ان حد يفهمك شعر فى المدرسة "خد يابنى احفظ دى واحفظ معانى كلماتها وشكراً" بس لما كبرت شوية وحسيت انى عبيط ومش بحاول افهم حاجات كدة اتكتبت عليا مع انى مش عارف هى صح ولا غلط وفكرت للأسف...
هو احنا ليه مش بنفكر مصر اديتنا ايه ؟؟
سيبك بقى من مصر هى امى والحضن الحنين ومفيش حد بيفكر مامته اديتله ايه والنيل كان بيسهر الليالى عشان انا اكبر وابقى عاطل زى الفل قد الدنيا كلها لأنه ببساطة فيه ناس كتير ليها امهات لكنها مثلاً مسجونة ولا مطلقة ولا حتى امهات غير صالحة وموجودين كتير يعنى الولاد عمرهم ما خدوا حاجة من امهاتهم يبقى هاتقنعنى بقى ان الولاد ها يحبوا امهاتهم كدة لله ؟؟ عشان يعنى امهاتهم ؟؟
هو ده اللى احنا محتاجين نفكر فيه لأننا لو فضلنا طول عمرنا بنقنع نفسنا ان مصر بتدينا كل حاجة واحنا مش بنديها اى حاجة ومينفعش نفكر فى السؤال المحرم علينا ده وعيب ياولد تقول كدة على مصر ودى ماما حبيبتك يبقى عمرنا ما هانحب مصر من جوانا وهانفضل نضحك على نفسنا ونفاجأ بالشباب بيهاجر ويسيب البلد ويقتل وينتحر ويسرق لأنه ببساطة اتجرأ وسأل السؤال ده وفكر فيه وكانت اجابته " مصر اديتنا على قفانا "...
كلامى ده مش معناه ان مصر مديتناش اى حاجة خالص لكن طول ماحنا معتمدين على ان مصر بتدينا كل حاجة واحنا مش ولاد اصول ومش بنديها حاجة لا عمرنا احنا هانوصل للى احنا عايزينه ولا مصر هاتتقدم ولا ياسلام على بعض المسئولين اللى معتمدين على الجملة دى وبيستغلوها انهم يقولوا للناس ادوا لمصر كل حاجة بس ما تستنوش منها حاجة !!!
ياسلام ؟؟ ياسيدى احنا بنى ادمين ولازم نفكر بعقلنا ونفهم كل حاجة قبل ما نعملها وايه اللى لينا وايه اللى علينا مش نفكر ايه اللى علينا وحرام نفكر ايه اللى لينا !! ليه عايشين فى بلد خيرى !!
الانسان الطبيعى بيفكر كدة واحنا عايزين نبقى ناس طبيعيين مش عايزين اكتر من كدة.
وتلاقينا دايماً نقول ونفتخر اوى اننا مش بنفكر مصر بتدينا ايه لكن من جوانا مش بنبطل تفكير لحد ما الاحساس ده يموت ونفقد الامل ويبقى ده العادى وعلى فكرة لو انت من اللى حاسين ان مصر مديتهمش حاجة اول ما هاتجيلك الفرصة ها تجرى يامعلم وتسيب البلد...ليه ؟ عشان احنا مش ملايكة وعايزين احسن حياة ونعيش عيشة كويسة وكريمة ...
احنا بنى ادمين وبنفكر بالعقل يعنى اليوم اللى الناس كلها هاتحس ان مصر مديتهمش اى حاجة عمر ما حد هايبقى على مصر لا تقولى بقى امه ولا اخته ولا حتى حبيبته .
عشان كدة لازم نصلح مصر بجد نخاف عليها بجد نطورها بجد ومن قلبنا ونعمل كل حاجة كويسة ليها عشان لما تدينا نبقى عليها ونستحملها مش نفضل طول عمرنا ندى مصر وهى ولا تدينا حاجة !!!
عفواً يا مصرى العزيزة انا لا أتجرأ ان اقول كلمة تمسك بأى شئ لكم الحدق يفهم العيب فين ...
المشاركات
ليست هناك تعليقات:
إرسال تعليق